Santurtzin gizon bat hiltzen saiatu zen erasotzailea espetxeratu dute

48 urteko gizonezko bat espetxeratu dute beste bati hainbat labankada sartu zizkiola onartu ostean. Santurtzin pasa den ostegunean eta biktimaren etxean jaso zen gertakaria. Ospitalera eraman behar izan zuten eta urgentziaz operatu zuten.

Erasotzaileak biktimari bere etxean lo egiteko baimena eskatu zion. Ostegun gauerdian burutu zuen erasoa eta hainbat labankada luzatu zizkion. Biktimak laguntza eskatu zuen eta anbulantzia batean eraman zuten ospitalera.  Sabelaldean, buruan, eskuetan eta hanketan izandako zauriak sendatzeko urgentziaz operatu zuten eta ospitalean igaro behar izan ditu hainbat egun.

Ertzaintzak ikerketa bat hasi zuen eta erasoaren arduraduna identifikatzea lortu zuen. Hau, polizia etxean aurkeztu zen eta heriotza saiakera leporatuta atxilotu egin zuten.

Komisarian egindako adierazpenetan hilketa saiakera onartu zuen erasotzaileak eta epailearen aurrean deklaratu ostean Basauriko espetxera eraman zuten.