Gizartea -
Kea arnastu dute
Bi pertsona artatu dituzte Oiartzunen, sute baten ondorioz
Sutea gaueko ordu bietan piztu da, bost solairuko eraikin bateko etxe batean. Horrenbestez, suhiltzaileek bi eraikin hustu dituzte, baina bizilagunak minutu batzuk geroago bueltatu dira etxera.
Erredakzioa
Oiartzungo bi eraikin hustu behar izan dituzte bart, etxebizitza batean piztu den suteagatik, Jaurlaritzaren Segurtasun Sailak eta suhiltzaileek jakitera eman dutenez.
Sutea gaueko ordu bietan piztu da, bost solairuko eraikin bateko etxe batean. Horrenbestez, suhiltzaileek bi eraikin hustu dituzte, baina bizilagunak minutu batzuk geroago bueltatu dira etxera.
Suhiltzaileek sua itzaltzea lortu dute. Sutea piztu den etxebizitzan bizi diren bi pertsona anbulatoriora eraman behar izan dituzte, sua arnastu baitute.