Langile bat hil da Sabadellen, etxe bat erori ostean

Suhiltzaileek, sei orduko lanaren ostean, Sabadellen erori den etxearen obra-hondakinen azpian harrapatuta gelditutako langilearen gorpua aurkitu dute, erreskate taldeek jakitera eman dutenez.

Dirudienez, langilea beste hiru pertsonarekin batera jardunean ari zen etxea erori den unean, eta leku horretan bertan aurkitu dute horren gorpua.

Gorpua aurkitu ostean, suhiltzaileek gertakizunaren berri eman diote biktimaren familiari eta minutu gutxi barru epailea bertaratuko da.

Lau langile zeuden, 15:00etan, Montserrat kaleko 73 zenbakian, eta oraindik ezagutzen ez diren arrazoien ondorioz, 71 zenbakiko etxeko pareta erori egin da, langileetako bat harrapatuz.