Paralisia duen ume bat lotuta eta ilunpetan utzi du irakasle batek

Garun-paralisia duen haur bat bi aldiz bere gurpil-aulkira lotu eta ikasgela batean "bakarrik eta ilunpetan" uzteagatik irakasle bat zigortu du Durangoko Institutuak. Antza denez, irakasleak metodoa portaera krisi bati aurre egiteko erabili zuen.

Geu Be Beharrizan Bereziak dituzten Senitartekoen Durangaldeko Elkarteak gertakaria salatu du agiri batean, eta kasu hauetarako protokoloa berriro aztertzea eskatu du.

Ikastetxeak irakasleari aldi baterako zigorra ezarri dio. Horrela, soldatarik eta lanaldirik gabe utzi du zuzendaritzak.

2013-2014 ikastaroaren hasieran, irailean, garun-paralisia duen ikasleak "portaera krisi" bat izan zuen. Irakasleak pasillora ateratzea erabaki zuen, baina umea eusten saiatu zen. Ikaslea gurpil-aulkian eseri eta hutsik zegoen ikasgela batera eraman zuen irakasleak.

Haurrak behin eta berriro ikaskideekin itzultzea eskatu zuen. Irakasleak "lotu eta aulkia irauli zuen ihes ez egiteko; hutsik zegoen ikasgelan ilunpetan utzi zuen", elkartearen arabera.

Gutxienez bi aldiz neurri berdina hartu zuen irakasleak. Institutuko "pertsona batek" zuzendaritzaren aurrean salatu zuen, Geu Beren esanetan.