Gizartea -
Gertaera Gasteizen
Embalajes Izarra enpresako eraikinaren zati bat erre da sute batean
Sua Jundizko industrialdeko pabiloi batean piztu eta, ondoren, ondoko beste batera zabaldu da. Ez da inor zauritu.
Jundizko industrialdean dagoen Embalajes Izarra enpresako instalazioen zati bat erre da gaur, igandea, goizaldean izandako sute batean. Sua Gasteizko industrialde horretako pabiloi batean piztu da eta, ondoren, ondoko beste batera zabaldu da.
Sutea oso arin suspertu da, haize zakarra zebilelako, baina dagoeneko itzali dute, Segurtasun Sailetik zabaldu dutenez. Gainera, baieztatu egin dute ez dela inor zauritu.
Suhiltzaileak, eta Ertzaintza eta Udaltzaingoko zenbait agente bertaratu da, Basaldea kaleko 5. zenbakian dagoen aipatutako enpresara eta, SOS Deiak zerbitzuaren arabera, garrak 07:00etarako itzalita zeuden, nahiz eta suhiltzaileak lekua hozteko lanetan ari diren.