Gizonezko bat zauritu da Tuteran piztutako sute batean

71 urteko gizonezko bat zauritu da igande honetan Tuteran, etxebizitza batean piztutako sute batean. Sutearen ondorioz, gizonezkoak kea arnastu du eta erredurak izan ditu gorputzean.

Nafarroako Gobernuak ohar bidez jakinarazi duenez, Larrialdi Zerbitzuek 13:31n izan dute sutearen berri. Sua Tuterako Sanchez Alfaro kaleko 4. zenbakiko etxebizitza bateko garajean piztu da.

Garajean auto bat eta hainbat lanabes eta objektu zeuden, besteak beste, bonbona butano bat eta pintura ontziak.

Zauritutako gizonezkoa sua itzaltzen saiatu da eta buruan eta besoetan erredurak izan ditu. Horrenbestez, Tuterako Reina Sofia ospitalera eraman dute. Gizonezkoaren emaztea ere ospitalera eraman dute kea arnasteagatik.

Alboko etxebizitza jendez hustu dute badaezpada, baina ez da inor zauritu eta etxeak ez du kalterik izan.