Laneko estresa kudeatzeko kanpaina abiatu du Europak

Laneko estresari aurre egiteko kanpaina berria abiatuko dute Europa mailan, Europako batzordeak iragarri duenez. Langileen arazoen artean bigarrena da estresa, eta galdutako lanaldien % 50 eragiten du, Bruselak emandako datuen arabera.

Kanpaina berria enpresaburuei eta langileei dago zuzenduta, era 2014 eta 2015 urteetan egingo dute. Urteko 20 milioi euroko aurrekontua izango du, eta lantokian estresa identifikatzea eta kontrolatzea izango da xedea. Horretarako, erreminta bideratuko dituzte, eta patronalaren eta sindikatuen arteko elkarteak sustatu. Halaber, estresaren kontrako Europa maila jarduerarik onena saritu dute.

Laszlo Andor Europako Enplegu komisarioak ohartarazi duenez, estresak arazo larriak eragin ditzake epe luzara. Halaber, absentismoak eragiten duen ''inpaktu ekonomiko handia'' azpimarratu du.

Datuak

Europa mailako inkesta baten arabera, langileen % 72k uste du antolaketa kaxkarra eta segurtasun eza direla estresaren arrazoi nagusiak. % 66ak lanorduei eta lan-kargarik leporatzen dio estresa, eta % 59k, bestalde, onartu ezin diren jarrerei, tartean jazarpenari. Bestalde, langileen % 51k dio estresa ohikoa dela bere lantokian.