Hil egin da Bilbon ibilgailu batek harrapatutako motorzalea

Hil egin da iragan asteartean ibilgailu batek harrapatutako 34 urteko motorzalea, istripuan pairatutako zauri larrien ondorioz.

Gertaera goizeko 9:10etan jazo zen, Bilboko Sabino Arana etorbideko 32. zenbakian.

Ibilgailuak eta motorrak aurrez aurre talka egin zuten eta, horrenbestez, gaztea oso larri eraman zuten ospitalera.

Bilboko Udaltzaingoak lekukoak eskatu ditu, kotxearen gidariaren inguruko datu gehiago lortzeko helburuarekin.

Lekukoei 944205040 telefono zenbakira deitzeko eskatu die Udaltzaingoak.