Gizartea -
Heriotza
Gizon bat kiskalita hil da Ultzaman, adar batzuk erretzen ari zela
Senide batek aurkitu zuen etxera itzuli ez zela ikusita eta lehen ikerketaren arabera eroriko bat izan zuen.
Erredakzioa
79 urteko gizonezko bat kiskalita hil zen atzo Aizarozen (Ultzama) Nafarroako Gobernuak jakitera eman duenez.
Hildakoaren iloba batek aurkitu zuen gorpua etxera itzuli ez zela ikusita. Aurretik, adar batzuk erretzeko su bat egin zuten hildakoak eta bere anaiak.
Nafarroako emergentzia zentrora abisatu ostean mediku talde bat gerturatu zen heriotzaren lekura eta gizonaren heriotza egiaztatu zuten.
Lehen ikerketen arabera hildakoak erorkiko bat izan zuen eta horren ondorioz suak harrapatuta hil zen.
Nafarroako Medikuntza Institutura eraman zuten gorpua autopsia egiteko.