Gizartea -
Goimendi Ikastetxe Nagusia
Bi ikaslek sanferminetako zapia eman diote Frantzisko aita santuari
Saindu nafarraren irudia duen zapi bat, bereziki Frantzisko aita santuarentzat egina, emateko aukera izan dute ikasleek.
Erredakzioa
Goimendi Ikastetxe Nagusiko bi ikaslek sanferminetako zapi bat eman zioten aurreko asteazkenean Frantzisko aita santuari, San Petri plazan egindako elizkizunean, Nafarroako Unibertsitateak ohar baten bidez jakinarazi duenez.
Hain zuzen ere, Nafarroako Unibertsitateko bi ikasle izan dira aurreko asteazkenean sanferminetako zapia Frantzisko aita santuari eman ziotenak, elizkizuna bukatu eta gero aita santua agurtu eta berarekin hitz egiteko aukera izan baitzuten.
Goimendi Ikastetxe Nagusiko Ohorezko Beka bat ez ezik, sanferminetako zapia ere eman zioten ikasleek. Bereziki aita santuarentzat eginiko zapia da, eta saindu nafarraren irudia du.
Ikasleek aita santuari azaldu ziotenez, UNIV Unibertsitatearteko Topaketa dela eta joan ziren Erromara Nafarroako Unibertsitateko hainbat ikasle.
