Gizartea -
Internet
Larunbatean jakinaraziko dute nola eskuratu eta erabili .eus domeinua
PuntuEus Fundazioak prentsaurrekoa emango du larunbatean, eta bertan azalduko dituzte martxan jarri berri den domeinuari buruzko xehetasunak.
Erredakzioa
Larunbat honetan azalduko dituzte .eus domeinua eskuratzeko eta erabili ahal izateko jakingarri guztiak. Izan ere, PuntuEus Fundazioak prentsaurrekoa emango du eguerdian Bilboko Euskaltzaindiaren egoitza nagusian, eta bertan jakin ahal izango da .eus domeinuak aurrerantzean izango dituen faseak eta egutegia.
.eus domeinuan abian dagoen atari bakarra, oraingoz, domeinuak.eus da, .eus bukaerarekin Interneten ikusgai dagoen lehenengo ataria.
Iratxe Esnaola .eus domeinuaren koordinatzailearen hitzetan, "historikoa da" domeinua martxan jarri izana: "Duela hamar hilabete onartu zuten eta gaur Sarean ikustea posible da".
