Lapurreta egin dute Kutxabankek Donostian duen bulego batean

Gizonezko armatu batek lapurreta egin du Kutxabankek Donostian duen bulego batean, eta, ondoren, ihes egin du. Lapurreta 08:00ak inguruan jazo da, Urbieta kalean dagoen banketxean. Oraingoz ez dute jakitera eman zenbat diru eraman duen.

Ertzaintzak eitb.com-i jakitera eman dionez, lapurra zulo bat eginez sartu da banketxera; une horretan bulegoa itxita zegoen, baina barruan zenbait langile zeuden. Antza, pistola batez mehatxu egin die, eta, dirua hartu ondoren, ihes egin du. Ez da inor zauritu.

Ertzaintzak hura bilatzeko operazioa hasi du.