Ekologistek Bizkaiko otso uxaldiak salatu dituzte

Hiru erakunde ekologistek Bizkaiko Aldundiari bilera eskatu diote "otsoak basapiztiatzat jotzeari uko egin" dezaten. Aldundiari ere, Bizkairako otsoen kontserbazio eta gestio plan bat sortzeko eskaera egin diote.

Ekologistak Martxan, Euskadiko Otso Taldea eta Otso iberikoaren Ikerketa eta Kontserbazioaren Elkartea (ASCEL) taldeek komunikatu bateratu batean Karrantzako otso uxaldia salatu dute. Bertan otso bat hil zuten.

Naturalistek adierazi dutenez, otsoek Euskadi berriro kolonizatu nahi dituzte, orkatzen, oreinen eta basurdeen, bere ehizakiak hain zuzen ere, berreskuratze naturalaren eraginez.

Otsoen hazkundeari uxaldi batekin erantzutea, "Bizkaia  biodibertsitatearen kontserbazio eta gestio gaian Europaren atzean usten du", adierazi dute taldeek. Gainera, "txakurrei kalteak eragiteagatik otsoen ehiza baimendu dutela", gehitu dute.

Talde hauek adierazi dutenez, otsoek Bizkaian eragiten duten gatazka sozioekonomikoa "urria" da, izan ere, Bizkaian 90.000 ardi inguru daude eta oso otso gutxi. Bestalde, "bizirik dauden otso horiek legal eta ilegalki ehizatuak dira", adierazi dute.

Horrela, Euskadin, taldeek emandako datu ofizialen arabera, hil egin dituzten otsoen % 40 ehiza ilegalen ondorio izan dira, baina, otsoen ehiza dela eta, ez dira prozesu judizialik habian jarri.

"Duela urte bat Bizkaian ilegalki uxaldutako otso baten kasua salatu genuen, baina ez dute ikertu", salatu dute.