Gizartea -
Ezbeharra
Gazte bat hil da Iruña Okan, bizikletan zihoala auto batek harrapatuta
N-1 errepidean, Burgosko noranzkoan, gertatu zen istripua, atzo iluntzean, 21:40 aldera. Argantzungo 15 urteko gaztea zen zendutakoa.
Erredakzioa
Bizikletan zihoan gazte bat hil da Iruña Okan, auto batek harrapatuta. N-1 errepidean izan da istripua, Burgosko noranzkoan. Argantzungoa zen zendutako gaztea
Segurtasun Sailak jakitera eman duenez, atzo iluntzean gertatu zen ezbeharra, 21:40 aldera. Auto batek txirrinduan zihoan gazte bat kolpatu zuen. Anbulantzia bat bertaratu zen, baina tokian bertan hil zen gaztea.
Gasteizko Patologia Institutura eraman zuten gaztearen gorpua, autopsia egitera. Gertatutakoa argitzeko ikerketa abiarazi du Ertzaintzak.
Hau zure interesekoa bada, baliteke beste gai hauek ere izatea