Gizartea -
Frankismoaren biktimak
Espainian 'Billy el Niño'-ren kontrako kereila jartzea, aztergai
Argentinara ez estraditatzeko erabaki "lotsagarriaren" ostean, frankismoaren biktimek Espainiako epaitegi batean deklaratzea eskatu dute.
Frankismoko Hilketak Argentinan argitzeko Koordinatzaileak (CEAQUA) azaldu duenez, Espainia osoko hainbat epaitegitan salaketak baloratzen ari dira, Audientzia Nazionalean Antonio Gonzalez Pacheco "Billy El Niño" Argentinara ez estraditatzeko erabaki "lotsagarri eta gaitzesgarriaren" ostean.
Elkartearen ustez, Audientzia Nazionalak Espainiako eskumenek lehentasuna dute Argentinakoen aurrean, lurraldetasun printzipioari jarraituz. Horrela, Espainiako hainbat epaitegitan salaketak jartzea baloratzen ari dira "bene-benetan". Horrela, biktimek babes judizial eragingarrira "eskubidea" lukete.
Gainera, biktimek fiskaltzari eskatu diote Audientzia Nazionalaren erabakiari errekurtsoa aurkeztea, Billy El Niño eta Jesus Muñecas Aguilar guardia zibila estraditatzeko egindako epaiketetan. Orduan, Espainiako biktimak Espainiako epaitegietan deklaratu behar zutela esan zuten.
CEAQUA elkarteak gogoratu du 'Muñecas' kapitainaren zein 'Billy el Niño'ren aurkako nazioarteko eskaerak indarrean daudela. Horrela, Espainiatik irtengo balira, atxilotuak izango lirateke.