Bilbok asteazkenean hasiko du Deustuko Kanalaren eraldaketa

Deustuko Kanalaren irekiera ekitaldia, maiatzaren 14an hasiko da, eta 16 hilabete iraungo du, 20,9 milioi euroko aurrekontuarekin. Bilbon uholdeen arriskua murrizteko egingo dute, eta Udalak hirian “mendeko obratzat” jo du.

Obren hasiera gaur iragarri dute, Bilbon emandako prentsaurreko batean, Jose Luis Sabas Obra eta Zerbitzu zinegotziak, eta Covadonga Solaguren Eusko Jaurlaritzako Etxebizitza, Enplegu eta Gizarte Politiken sailburuordeak.

Lan horietan Bilboko itsasadarreko kanalerako konexiorako falta diren 500 metro lineal zulatuko dituzte gutxi gorabehera, beraz, lurreko 365.000 metro kubiko erautsiko dira, hau da, San Mameseko futbol zelaiko gainazalean 15 solairuko eraikin baten pare.

Kanala irekitzeko obrek Zorrazaurreko egungo penintsula uharte batean bilakatuko dute, beraz, bi aldeak batuko dituen zubi bat ere eraikiko dute, 75 metroko luzerarekin (kanalak izango duen zabalera gune horretan).

Jose Luis Sabasek nabarmendu duenez, Bilborentzat "mendeko obra" da, hiriko "fisionomia aldatuko" duela. Proiektua amaitzean, Bizkaiko hiriburua "ez da inoiz berdina izango", gaineratu du.