Sei urteko zigorra, bizilagunak musikarekin molestatzeagatik

Gipuzkoako Fiskaltzak sei urte eta erdiko kartzela zigorra eskatu du bizilagunen "bakea asaldatzen zuen" gizon batentzat. Pertsona horrek musika "eguneko edozein ordutan" jartzen zuen, baita goizaldean ere, eta ondoren etxetik alde egiten zuen musika piztuta utzita.

Etxebizitza berean bi urtez bizitzen egon ostean, bizilagunetako batek tratamendu medikoa behar izan zuen.

Akusazioaren idatziak jasotzen duenez, gertakaria 2009an izan zen, prozesatua Iruneko etxebizitza-eraikin batera iritsi zenean.

Gizonezkoari "behin baino gehiagotan" isuna jarri zion Udaltzaingoak bizilagunek deituta etxebizitzan zegoen zarata neurtu eta legeak dioen muga gainditzen zuela ikusi ostean.

Fiskaltzaren ustez, gertakari horiek ingurumenaren aurkako delitua dira, pertsonen osasunari kalte egiten diotelak. Irain delitua eta faltak ere ikusten ditu, eta, hori dela eta, sei urte eta erdiko kartzela zigorra eskatu du. Gainera, 150 euroko isuna ere eskatu du.

Gainera, tratamendu medikoa behar izan zuen bizilagunarentzat 5.000 euroko kalteordaina ere eskatu du, eta 3.000 eurokoa beste bizilagun batentzat, eragindako kalte moralengatik.