Gizartea -
Erreskatea Gipuzkoan
Dunboa ubidean erori den ume bat erreskatatu du Ertzaintzak Irunen
Adineko bat mutikoa ubidetik ateratzen saiatu da, baina ez du lortu, eta bertatik pasatu den patruila batek atera du azkenean.
Erredakzioa
5-7 urteko mutiko bat erreskatatu du ertzain batek, Irungo (Gipuzkoa) Dunboa ubidean, Segurtasun Sailak jakitera eman duenez.
17:30 aldera, adineko bat mutikoa ubidetik ateratzen saiatu da, eta Ertzaintzaren patruila batek ikusi du bertatik pasatu denean.
Ertzainetako batek bere burua uretara bota, eta umea erreskatatu du. Ondoren, soka bat erabili dute adinekoari ubidetik ateratzen laguntzeko. Adingabea Bidasoako ospitalera eraman dute.
Ertzaintza mutikoa ubidera nola erori den ikertzen ari da, besteak beste, bakarrik edo helduren batekin zegoen argitzeko.
Hau zure interesekoa bada, baliteke beste gai hauek ere izatea