Gizartea -
Araba Euskaraz 2014
Euskal hezkuntzaren erronken aurrean zuhurtzia eskatu du Urkulluk
Araba Euskaraz festaren inaugurazioan, "taldean egindako lanaren alde" egin du lehendakariak, "euskal ikaskuntza bermatu eta hobetu ahal izateko".
Erredakzioa
Iñigo Urkullu lehendakariak "taldean egindako lanaren alde" egin du, "euskal ikaskuntza eredua bermatu eta hobetu ahal izateko". Halaber, euskal ikaskuntzak duen erronken aurrean "zuhurtzia" eskatu du.
Araba Euskaraz 2014 Arabako ikastolen festaren inaugurazio-ekitaldian izan da Urkullu. Aurten, Lapuebla de Labarcak hartu du hitzordua, "Mugan bizi bizi" lelopean, Arabako Errioxaren mugan euskaraz bizirik dagoela azpimarratzeko.
Hitzaldi motzean lehendakariak adierazi duenez, hezkuntzak euskera aurrera egiteko balio izan digu. "Une bakoitzeko erronkei aurrera egin behar die euskarak, ausardiaz, inteligentziaz eta zuhurtziaz", esan du.
"Taldeko lanari esker, euskal ikaskuntza eredua bermatu eta hobetu ahal izango dugu", azpimarratu du.
Halaber, Assa ikastola Araba Euskaraz festaren aurtengo edizioaren antolatzaileak egindako lana goratu du, "urte guzti hauetan euskara zonaldean bizirik mantentzen lagundu dutelako". Halaber, egunero euskara erabiltzearen garrantzia azpimarratu du.
