Gizartea -
Polizia operazioa
Bi atxilotu Astrabuduan, 303 marihuana landare eta armak izateagatik
Atxilotuei drogekin trafikatzea leporatu diete. Gainera, agenteek hainbat arma aurkitu dituzte akusatuen etxebizitzan.
Erredakzioa
Polizia Nazionalak 303 marihuana landare aurkitu ditu gaur Astrabudua Erandioko auzoan, drogaren aurkako operazio batean. Gobernuaren Ordezkaritzak jakinarazi duenez, bi pertsona atxilotu dituzte.
Ikerketa urtarrilean hasi zen, zenbait probintziatan kokaina eta haxixa zabaltzen zituen talde bat zegoela jakin ondoren.
Operazio honetan, bi pertsona atxilotu dituzte, droga-trafikoa egotzita, eta 1.145 gramo haxix, 2.320 gramo marihuana kukulu (saltzeko prest) eta 303 marihuana landare atzeman dituzte agenteek.
Atxilotuen etxebizitzan, egindako miaketan, Blow markako lau kartutxoko pistola bat, eskopeta bat, dirua zenbatzeko makina elektroniko bat, bi doitasun-balantza, marihuana lehortzeko makina bat eta 13.510 euro aurkitu dituzte.
