Gizartea -
Gertakaria
47 kilo haxix zeramatzan gizonezko bat atxilotu dute Irunen
Atxilotua mozkortuta zihoan eta istripua izan zuen autoarekin kamioi baten kontra.
Erredakzioa
Ertzaintzak autoan 47 kilo haxix zeramatzan gizonezko bat atxilotu zuen joan den larunbatean Irunen, ikerketaren iturriek EiTBri jakinarazi diotenez. Gizonezkoak autoarekin kamioi bat jo ondoren atxilotu zuten.
Istripuaren izan ostean ertzainak ibilgailuaren dokumentazioa jasotzen ari zirela, haxixa aurkitu zuten autoko hainbat lekutan gordeta.
Gizonezkoak zauri arinak jasan zituen, eta bertan artatu zuten. Gainera, errepidea itxi behar izan zuten.
Ertzaintzak droga-trafikoa egotzita atxilotu zuen gizonezkoa, baina errepideko segurtasunaren kontrako delitua ere leporatu dio, alkoholaren eraginpean baitzegoen istripua gertatu zenean, eta uko egin ziolako alkoholemia-proba egiteari.