Zelula amen inguruko ikerketa baten egileak bere buruaz beste egin du

Zelula amen inguruko ikerketa polemiko batean parte hartu zuen Yoshiki Sasai ikertzaile japoniarrak bere buruaz beste egin du. Ikerketa Nature aldizkarian argitaratu zuten, baina baztertu zuten; izan ere, lan horretako zati batzuk iruzurrezkoak ziren.

Poliziak hedabide japoniarrei azaldu dienez, Sasaik laguntza medikoa jaso zuen, biziberritzeko, baina azkenean larrialdietako taldeek ezin izan zuten ezer egin. Halaber, ikertzaileak bere idazkariaren mahaian suizidioaren ohar bat zuela utzita esan dute.

Sasai Biologia Zentro garrantzitsu bateko zuzendariordea zen (Riken ikerketa institutuko Garapeneko Biologiaren Zentrokoa, hain zuzen ere), eta ikerketa beste zientzialari batzuekin sinatu zuen: besteak beste, Masatoshi Takeichi zentroko zuzendariak eta Haruko Obokata lankideak ere hartu zuten parte. Azken horri egotzi zioten materialak faltsutu izana.

Nature aldizkarian

Artikulua Nature aldizkarian argitaratu zuten, 2014ko urtarrilean, eta zelula pluriahaldun sortzeko modu berriaren berri ematen zuen. Zelula horiek medikuntza birsortzailearen etorkizuna direla uste dute adituek, edozein ehun bilakatu ahal dira eta. Horiek sortzeko, zelula helduak estres mota desberdinetan jartzen zituzten.

Hala ere, zientzialari askok emaitzak errepikatzea ezinezkoa zela eta irudiak era irregularrean zeudela erabilita esan ostean, Rikeneko batzorde batek Obokata doktoreak irudi horietako batzuk faltsutu eta eskuztatu zituela ondorioztatu zuen.

Obokatak ikerketaren bazterketa onartu zuen, ekainaren 4an, eta sortutako organo batek Kobeko Zentroko eraldaketa gomendatu zuen (itxiera ere baliteke gertatzea). Takeichiren eta Sasairen dimisioak ere gomendatu zituen.