Gizartea -
Gertakaria
Gorbeian galdutako bikote bat aurkitu dute
Igandean Gorbeian galdutako bikote bat aurkitu du gaur Ertzaintzako Zaintza eta Erreskate Unitateak, osasun-egoera onean.
Erredakzioa
Gorbeian galdutako bikote bat osasun-egoera onean aurkitu du Ertzaintzako Zaintza eta Erreskate Unitateak, Eusko Jaurlaritzako Segurtasun Sailak jakinarazi duenez.
Erreskate dispositiboa bart aktibatu zuten, 22:30ean, 29 eta 21 urteko mendizaleek SOS Deiak zerbitzura deitu zutenean argitasun faltagatik eta lainoagatik menditik jaisteko "zailtasun handiak" zituztela esateko.
Emergentzia zerbitzuak Ertzaintzako Zaintza eta Erreskate Unitateko eta Gasteizko hainbat agente mobilizatu zituen berehala. Gainera, Eusko Jaurlaritzak Larrialdiei Aurre Egiteko Zuzendaritzako teknikari bat bidali zuen bilaketa lanak koordinatzeko.
Bikotea goizaldeko 03:15ean aurkitu dute, osasun-egoera onean.