72 lagun atxilotu dituzte, albaniarrekin trafikatzea egotzita

Espainiako Poliziak 72 pertsona atxilotu ditu, herritar albaniarrekin trafikatzen zuen sarea desegiteko operazioan. Herritar gehienak Erresuma Batuan sartzen zituzten, eta Poliziak guztira 180 biktima identifikatu ditu, tartean 14 adingabe.

Poliziak ohar baten bidez azaldu duenez, albaniar gehienak 500 eta 4.000 euro artean ordaindu ostean sartzen zituzten Erresuma Batuan, dokumentu faltsuak erabiliz.

Operazio horretan 72 pertsona atxilotu ditu Poliziak; tartean, Albania, Italia eta Greziatik sarea zuzentzen zuten pertsonei Espainian babesa ematen zieten kideak.

Orain urtebete abiatu zuten ikerketa, eta dagoeneko 180 biktima identifikatu dituzte. Hala ere, kopuru horrek gora egingo duela uste du Poliziak.