Gobernuak bi polizoi afrikarren herriratzea baimendu du

Gobernuak Bizkaian duen Azpiordezkaritzak asteazken goizean sinatu du Bilboko Portuaren sarbidean dagoen ontzi bateko bi polizoi afrikarrak herriratzeko baimena. Biak ostegun honetako lehen orduan irtengo dira hegazkinez Bruselarantz, Europa Pressi Azpiordezkaritzaren iturriek jakinarazi diotenez.

Ontziaren armadorearen ordezkaritza batek asteartean aurkeztu zion Azpiordezkaritzari herriratzeko eskaera ofiziala. Horrekin batera, igaro-baimenak eta polizoientzako eta bi laguntzaileentzako hegazkin txartelak ere aurkeztu zituen.

Gobernuaren Azpiordezkaritzaren sinadura oraindik jartzeke dagoenean, Bilboko Portuari jakinarazi zaio bi polizoiek 7:45eko hegaldia hartu ahal izango dutela, Bruselarantz. Ginea Konakryn, euren herrian, amaituko dute bidaia.

Bi polizoiak joan den ostegunean heldu ziren "Mr Kentaurus" petroliontzian. Marshall uharteetako bandera zuen ontziak eta Dakarretik zetorren (Senegaletik). 37.000 tona gasolina kargatu behar zituen.