Gizartea -
Gatazka
Akordioa lortu dute Sopuertako gurasoek eta Hezkuntza Sailak
7 haurren gurasoek 12 urte bete arte eskola publikoan egoteko eskubidea aldarrikatu dute; "ez dugu eskubide hau Gobernuak Elizbarrutiaren pribilegioak eta horren monopolioa" mantentzen dituelako.
Erredakzioa
Protesta egiten ari ziren Sopuertako zazpi haurren gurasoek konpromisoa hartu dute Jaurlaritzarekin, "hurrengo urtean, Sopuertako hezkuntza eskubideak bermatzeko, negoziazio aktiboak irekitzeko", "gure seme-alabak Zallan berehala eskolaratzea".
Handitzen Guraso Elkarteak ohar baten bidez jakinarazi dutenez, "Zallara joango gara, eta gure aldarrikapenarekin jarraituko dugu, datozen negoziazioetan parte hartuz".
"Ikasturtearen hasieratik Eusko Jaurlaritzarekin negoziazioak izan ditugu -azaldu dute-, Sopuertako herriarentzat Euskal Herriko gainontzeko herrietan bezalaxe, oinarrizko eskubide bat lortzeko asmoz: gure seme-alabak 12 urte bete arte herriko eskola publikoan matrikulatzea".
"Eskubide hau ez daukagu Sopuertan Gobernuak Elizbarrutiaren pribilegioak eta hezkuntzan duen monopolioa hausten ez dakielako", salatu dutenez.
"Gurasook erronkari aurre egin diogu, gure seme-alabak, egunez egun, La Baluga eskola publikora eramaten. Hasieran irakasle boluntarioekin, gero, gobernuak irakasle horiek sartzea debekatu zuenean, bakarrik, zentroko langileek artatuta".
Halaber, azkenik, zazpi familiek bilera izan zuten Hezkuntza Sailarekin, eta konpromisoa hartu zuten: "hurrengo urtean Sopuertako hezkuntza eskubideak bermatzeko, negoziazio aktiboak irekitzeko, euren baldintza bakarra gure seme-alabak Zallan berehala eskolaratzea".
