Gizartea -
Istripua
Gizon bat helikopteroz erreskatatu dute Jaizkibelen
Eguerdiko ordu biak aldera izan da istripua. 51 urteko gizona Biosnar muturraren inguruan erori da.
Erredakzioa
51 urteko mendizale bat erreskatatu du gaur Ertzaintzaren helikopteroak Jaizkibelgo itsaslabarrean, Hondarribian. Segurtasun sailak jakitera eman duenez, erreskatatu duten gizona frantziar jatorrikoa da.
Eguerdiko ordu biak aldera izan da istripua. SOS-Deiakek gertaeraren berri izan du. Antza, gizona 15 metroko altueratik erori da Biosnar muturraren inguruko itsaslabarrean.
Ertzaintzaren helikoptero batek erreskatatu du mendizalea, eta Guadalupeko santutegiaren ondoko zelaietara eraman du. Zain zuten anbulantzia batean sartu dute zauritua eta Donostiako erietxera eraman dute hainbat zauri eta kolperekin.
Hau zure interesekoa bada, baliteke beste gai hauek ere izatea