Animalien babeserako talde batek sokamuturraren hasiera atzeratu du

Animalien babeserako talde bateko dozena bat kide Azpeitiko sokamuturreko zezenak zeuden kamioiaren aurrean kateatu egin dira, eta, ondorioz, sokamuturraren hasiera atzeratu egin da.

Asteburuan zezen asteburua ospatu dute Azpeitian, eta gaur 17:00etatik aurrera sokamuturra egitekoak ziren, Zezenbeltz elkarteak antolatuta.

Zezenak zeuden kamioia ateak irekitzear zela, ordea, animalien babeserako talde bateko kideek bidea oztopatu diote, eta elkarri kateatu dira.

Protestak 30 eta 45 minutuko iraupena izan du, eta Azpeitian sokamuturra ikustera bildutakoek txistuz hartu dituzte ekintzaileak. Ertzaintza ere bertaratu da, eta azkenean protestari modu baketsuan amaiera eman diote, eta sokamuturra arazorik gabe egin da.