Gizartea -
Istripua
Gizonezko bat hil da kamioiak harrapatuta, Landabenen
Koxka enpresak Ituñeko Landabenen duen eraikinaren parean izan da ezbeharra.
Erredakzioa
35 urteko gizonezko bat hil da kamioi batek harrapatuta Iruñeko Landaben industria gunean izan den istripuan.
Goizeko bostak aurretik gertatu da ezbeharra, Koxka enpresaren parean. Industria guneko A bidean du Koxkak eraikina. Nafarroako larrialdi zerbitzuek anbulantzia medikalizatu bat bidali dute istripua izan den lekura eta heriotza baieztatu dute.
Foruzaingoa bertaratu da Landabenera eta trafikoa bideratzeaz arduratu da. Iruñeko Udaltzaingoak hartu du bere gain ezbeharraren ikerketa.
Hilotza Nafarroako Auzitegi-Medikuntzako Erakundera eraman dute eta autopsia egingo diote.
Hau zure interesekoa bada, baliteke beste gai hauek ere izatea