Gizartea -
Malaga
Auzitegiak ez du onartu Isabel Pantojaren eskaera kartzela saihesteko
Artistak azken aukera bat dauka espetxea ekiditeko: erreguzko errekurtsoa aurkeztea. Hiru eguneko epea du horretarako. Auzitegi berak azken erabakia hartuko du ondoren.
Erredakzioa
Malagako Probintzia Auzitegiak ez du onartu Isabel Pantoja kartzelatzeko erabakia bertan behera uztea. Bi urteko kartzela-zigorra jaso zuen, dirua zuritzea egotzita.
Malagako Auzitegiko Bigarren Sekzioko Epaitegiak ez du aintzat hartu artistak espetxeratzea saihesteko egindako eskaera, baina hiru eguneko epea eman dio erreguzko errekurtsoa aurkezteko, Epaitegitik Eferi azaldu diotenez.
Erreguzko errekurtsoa Isabel Pantojak espetxean sartzea ekiditeko izango duen azken aukera da. Auzitegi berak ebatziko du horren inguruan.
