Immigrazio klandestinoa sustatzen zuen sare bat desegin dute Nafarroan

Guardia Zibilak eta Espainiako Poliziak ustezko sare kriminal bat desegin du Nafarroan, immigrazio klandestinoa sustatzea egotzita. Orotara, lau pertsona atxilotu dituzte Iruñean eta inguruetan.

Antza denez, sareak ezkontza irregularrak sustatzen zituen. Tankera horretako 130 ezkontza baino gehiago atzeman dituzte.

Ikerketa iazko amaieran hasi zuten. Orduan, Guardia Zibilak eta Espainiako Poliziak Iruñean Ghanako biztanleen populazioak nabarmen egin zuela gora atzeman zuten.

Hazkunde hori aipatu ezkontza irregularren ondorio izan zen. Izan ere, sarea egoera irregularra zeuden eta nazionalitate hori duten pertsonei zuzentzen zitzaien, eta 4.000-6.000 euroren truke, ezkontzea eskaintzen zien.