Gizartea -
Loiuko aireportua
Bilboko Aireportuak doako aparkaleku espres bat izango du
2015. urteko azarorako bukatuko dute. Lehen 15 minutuetan izango da doakoa.
Erredakzioa
Bilboko Aireportuak 2 milioi euroko hobekuntza plana abiatuko du abendu honetan. Besteak beste, itoginak konponduko dituzte, eta lehen 15 minutuetan doakoa izango den aparkaleku bat sortuko dute.
Cristina Echeverria aireportuko zuzendariak azaldu duenez, plana "aireportuko langileen ekimena" izan da. Abenduan abiatuko dute, eta 2016. urtean burutu.
Echeverriak zehaztu duenez, itoginak konpontzeko proiektua dagoeneko idatzita dute, eta 2015. urteko abendurako bukatuta izatea espero dute.
Gainera, errenkada bikoitzarekin bukatu nahi dutela nabarmendu du, eta, horregatik, irteeren sektorean lehen 15 minutuetan doakoa izango den aparkaleku bat sortuko dutela aurreratu du. 60 plaza izango ditu, eta 2015. urteko azarorako bukatuko dute.
Bestalde, aparkalekuetan argi berdeak eta gorriak jarriko dituzte, libre dauden plazak seinalatzeko.
