Gizartea -
Denboralea Katalunian
Errekara erori zen 20 urteko gaztearen gorpua aurkitu dute, Gironan
Emakumezkoa uretara erori zen, Lliercan (Girona), eta, ibaiak zekarren indarraren ondorioz, ez zen uretatik ateratzeko gai izan.
Erredakzioa
Erreskate taldeek emakumezko baten gorpua aurkitu dute gaur goizean Sadarnesen, Gironan, eta, oraindik identifikatu ez badute ere, atzo desagertu zen 20 urteko gaztearena dela uste dute. Emakumezkoa uretara erori zen, Lliercan (Girona), eta, ibaiak zekarren indarraren ondorioz, ez zen uretatik ateratzeko gai izan.
Generalitateko suhiltzaileek jakitera eman dutenez, gorpua goizeko 10:00etan aurkitu dute, Sant Aniol de Saderneseko errekan. Izan ere, puntu horretan bertan, 20 urteko emakumezko bat erori zen atzo arratsaldean.
Oraindik ez dute gorpua identifikatu baina, Poliziak uste du, 20 urteko gaztearena dela.
Beste hiru lagunekin batera txango bat egiten ari zela, errekara erori zen emakumezkoa arratsaldeko 14:00etan.