Gizartea -
Abisu horia
Zaparrada mardulak arratsalderako Bizkaian eta Gipuzkoan
Eusko Jaurlaritzak abisu horia ezarri du 15:00etatik 21:00etara bi lurraldeotan.
Erredakzioa
Eusko Jaurlaritzako Larrialdi eta Meteorologia Zerbitzuak abisu horia ezarri du gaur arratsalderako Bizkaian eta Gipuzkoan, zaparrada mardulak izango direlako. Hain zuzen ere, orduero metro karratuko 15 litro ur pilatzea aurreikusi dute.
Abisu horia 15:00etatik 21:00etara egongo da indarrean.
Euskalmeten arabera, ipar isurialdean egingo du euri gehien, baina hegoaldera ere iritsiko dira tanta batzuk.
Tenperatura altuenak 15 ºC-koak izango dira.
