Bi eraikin hustu dituzte Ordizian, sute baten ondorioz

Sutea piztu da igande honetan Ordiziako garaje batean eta, ondorioz, bi atalondotako etxebizitzak hustu behar izan dituzte. Horrez gain, suak kalteak eragin ditu hori ibilgailutan.

Segurtasun Saileko iturriek azaldu dutenez, 10:30ean piztu da sua, Filipineta kaleko garaje batean. Sutearen arrazoiak ikertzen ari dira oraindik.

Ertzaintza eta suhiltzaileak bertaratu dira, eta sua kontrolatzea lortu dute. Edonola ere, gertuko bi atalondotako etxebizitzak hustu egin behar izan dituzte, kea dela-eta.

Larrialdi zerbitzuek lanean jarraitzen dute bertan.