Emakumeen Mundu Martxak manifestazioa antolatu du ostiral honetarako

Euskal Herriko Emakumeen Mundu Martxak manifestazioa antolatu du ostiral honetarako Abadiñoko Matiena auzoan, gizonezko batek ustez bi emakume hil izana salatzeko.

Elkarte horrek manifestazioan parte hartzeko deia egin die Bizkaiko emakumeen elkarte guztiei, eta Euskal Herriko gainerako kolektiboei "herri guztietan eta hiriburuetan" mobilizazioak egiteko deia egin die.

Plataformako kideek Abadiñoko krimenaren "krudeltasuna" azpimarratu dute, eta "erabateko errefusa" agertu diote.

Bestalde, Durangoko Andereak indarkeria matxistaren kontrako taldeak bat egin du biharko manifestazioarekin, eta ostegunero indarkeria mota horren kontra Andra Marin egiten duten kontzentrazioan parte hartzera gonbidatu ditu herritarrak.

Emakundek ere protestan parte hartzera animatu du gizarte osoa. Izan ere, Emakundek uste du "herritar guztien inplikazioarekin eta baloreen beharrezko aldaketarekin soilik" eraiki daitekeela "berdintasunean oinarritutako gizartea" eta amaitu daitekeela "emakumeen kontrako indarkeria".

Horregatik, Emakundek biharko Abadiñoko protesta-ekitaldian parte hartuko du, eta bertan izango da Izaskun Landaida erakundearen presidentea berea.