Gizartea -
Gertakizuna
Mutil bat atxilotu dute Donostian patruila bati erasotzen saiatzearren
Aurretik, autobus-gidari bat mehatxatu du, eta ibilgailua abiarazten galarazi dio.
Erredakzioa
Hogei urteko mutil bat atxilotu dute gaur goizean Donostian, autobus-gidari bati mehatxu egin diolakoan. Gainera, bertaratutako ertzainei eraso egiten saiatzea eta horiek iraintzea ere egotzi diote.
Eusko Jaurlaritzako Segurtasun Sailak azaldu duenez, 06:30ean jazo da dena. Ordu horretan, kale-jantzian zeuden agente batzuek iskanbila bat atzeman dute Kontxa Pasealekuko geltokian. Gazte bat gidariari mehatxu egiten ikusi dute, eta ertzainei ere saiatu da eraso egiten. Hori dela eta, atxilotuta eraman dute.
Gaur arratsaldean utziko dute epailearen esku.
Hau zure interesekoa bada, baliteke beste gai hauek ere izatea