Gizartea -
Egia auzoan
Gizon batek lapurreta armatua egin du Donostiako supermerkatu batean
Lapurreta BM supermerkatu batean gertatu da, 20:15ean, Egia auzoko Tejeria kalean. Lapurrak 400 bat euro ostu ditu eta dendatik ihes egitea lortu du.
Erredakzioa
Gizon batek lapurreta armatua egin du gaur Donostiako supermerkatu batean. Dirua ostu eta ihes egin du lapurrak, Segurtasun Sailak jakitera eman duenez. Lapurretan ez du inor zauritu.
Lapurreta BM supermerkatu (Uvesco katea) batean gertatu da, 20:15ean, Egia auzoko Tejeria kalean.
Gizonezko batek supermerkatuko langileei su-arma batekin mehatxu egin die. 400 bat euro ostu ditu lapurrak, eta dendatik ihes egin du, Poliziako iturriek zehaztu dutenez.
Lapurra atxilotzeko dispositibo bat martxan jarri du Ertzaintzak.
Hau zure interesekoa bada, baliteke beste gai hauek ere izatea