Gizartea -
Gertakaria
Hiru pertsona zauritu dira Zubielkin izandako auto istripuan
Foruzaingoaren arabera, ibilgailua bidetik atera da, eta barruan zihoazen hiru lagunak zauritu egin dira. Horietako bi adin txikikoak dira.
Agentziak
Hiru pertsona zauritu dira Zubielkin izandako auto istripuan, tartean adin txikiko bi, Nafarroako Gobernuak jakitera eman duenez.
14:55ean izan da istripua, NA-132an, Lizarra eta Gasteiz lotzen dituen errepidean. Foruzaingoaren arabera, ibilgailua bidetik atera da, eta ondorioz, barruan zihoazen hiru lagunak zauritu dira.
Gidariak kolpeak ditu gorputzeko hainbat lekutan eta anbulantzian eraman dute Lizarrako Garcia Orkoien Ospitalera. Adin txikiko biak ere erietxe horretara eraman dituzte, zauri arinekin.
Hau zure interesekoa bada, baliteke beste gai hauek ere izatea