Gizartea -
Jazoera
Gizon bat atxilotu dute Bilbon ertzain bati lapurtzen saiatzeagatik
Atxilotuak dirua eskatu dio oinezko bati, eta horrek ezetza eman ostean, horri eraso egiten saiatu da. Kasualitatez, oinezko hori zerbitzutik kanpo zegoen ertzain bat zen.
AGENTZAK | ERREDAKZIOA
Ertzaintzak 33 urteko gizonezko bat atxilotu du Bilbon, zerbitzutik kanpo zegoen ertzain bati lapurreta eta eraso egiten saiatzeagatik, Segurtasun Sailak jakitera eman duenez.
03:00ak aldera, Bilboko Moyua Plazan, atxilotuak dirua eskatu dio oinezko bati, eta horrek ezetza eman ostean, horri eraso egiten saiatu da. Kasualitatez, oinezko hori zerbitzutik kanpo zegoen ertzain bat zen.
Orduan, ertzainaren kide bat bertaratu da, eta lapurrak ihes egin du. Horren atzetik joan ostean, azkenean, lapurra atxilotzea lortu dute.
Ustezko lapurra 9 aldiz atxilotu dute aurretik.