Adinekoen % 4,5 'tratu txarrak nahi gabe' jasateko arriskuan dira

EAEko laguntza zerbitzuetara jo duten adinekoen % 4,5 “tratu txarrak nahi gabe” jasateko arriskuan dira, hau da, ez du delitu baten existentziarekin zertan loturarik izan behar. Adinekoak kalte fisikoa pairatzen du, hau da, oinarrizko beharrizanak asetzerik edo botikarik ez du.

Enplegu eta Gizarte Politikarako Sailak Deustuko Unibertsitateari azterketa egiteko eskatu zion. Ikerketako datuen arabera, adinekoen % 16,18k tratu txarrak jasan ditzakete epe ertainera. Bestalde, % 1,85ek “premiazko” esku-hartze bat behar dute “kaltea benetakoa” delako.

Angel Toña Enplegu eta Gizarte Politikarako sailburuak eta Marije Goikoetxea azterketako koordinatzaileak ikerketaren ondorio nagusiak aurkeztu dituzte. Goikoetxearen ahotan, “atzemandako kasuetan nahita egindako tratu txarrik ez izatea” gerta liteke.

Adinekoei Abusuak Prebenitzeko Nazioarteko Erakundearen “tratu txarren” definizioa erabili dutela azaldu du Goikoetxeak. “Ez da termino judiziala, ondorioz, % 1,85 horren atzean deliturik ez izatea gerta liteke”, adierazi du azterketako koordinatzaileak.