Bartzelonak ez du lizentzia turistiko gehiagorik emango urtebetez

Bartzelonako Udalak ez du lizentzia turistiko gehiagorik emango urtebetez, sektorea erregulatzeko plan bat onartuko baitu 2016ko lehen hiruhilekoan, Ada Colau alkateak iragarri duenez.

Erabaki horren ondorioz, Udalak ez du baimenik emango epe horretan hotel, apartamendu, pentsio, hostal eta aterpe gehiago zabaltzeko.

Catalunya Radio irrati katean egindako elkarrizketan, turismoak Bartzelonak sortzen dituen arazoei "ikuspegi orokor batekin" heldu behar zaiela azaldu du Colauk. Horren ildotik, azken urteetan auzoetan hainbat tentsio sortu direla esan du, eta Ciutat Vella, Barceloneta eta Sagrada Familia aipatu ditu horren adibide gisa.

Horren esanetan, araudi berriekin Bartzelonako eredu turistikoa "modu sostengarrian" haziko da. "Hotelen sektorea, auzokideak eta turistak izango dira onuragarriak", berretsi du.