Lagun bat hil eta sei zauritu dira globo istripu batean, Bartzelonan

Pertsona bat hil da gaur, igandea, Vilanova del Camin (Bartzelona) izandako globo istripu batean; gainera, beste sei lagun ere zauritu dira, Generalitateko Suhiltzaileek ohar baten bidez zabaldu dutenez.

Globo aerostatikoan zazpi pertsona zihoazen, horietako bat pilotua zen eta hori izan da, hain justu, hildakoa. Antza, hartzen ari zenean gertatu da, Can Tito eta Can Bernades lotzen dituen bidean.

Halaber, bidaiariak maila ezberdinetan zauritu dira, horietako bat larri zauritu da eta Bellvitgeko Ospitalera eraman behar izan dute helikopteroz.

Beste lau bidaiari zauri arinak izan dituzte eta Igualadako Ospitalera eraman dituzte. Azken biktima bertan artatu dute eta alta jaso du berehala.

Generalitateko Suhiltzaileek lau talde bidali dituzte eta Esquadra Mossoak ere lau auto eta helikptero batean bertaratu dira.