Gizartea -
Trafiko-istripua
29 urteko emakume bat zauritu da Belateko tunelean
Ezbeharra izan da tunel barruan, eta ordubetez egon da itxita.
AGentziak | Erredakzioa
Istripua izan da astearte goizean Belateko tunelean, eta lagun bat zauritu da. Hori dela eta, itxi egin dute tunela, bi noranzkoetan, Nafarroako Gobernuak jakinarazi duenez. 10:30ean ireki dute berriro.
Ezbeharra 08:44an jazo da, tunel barruan (N-121-A errepidea), oraindik argitu ez dituzten arrazoiak tarteko.
Istripuaren ondorioz, 29 urteko emakume bat zauritu da, eta Nafarroako Ospitalera eraman behar izan dute.
Guardia Zibilak hartu du istripua ikertzeko ardura.
