Gueñesen piztutako sutea, kontrolpean

Suhiltzaileak Gueñeseko (Bizkaia) mendi batean daude bertan piztu den sute bat itzaltzen saiatzeko. Dirudienez, eta Eusko Jaurlaritzaren Segurtasun Sailak jakitera eman duenez, bitan itzali dute dagoeneko sutea, larunbatean eta astelehenean, baina berriro piztu da gaur arratsaldean.

Izan ere, larunbateko ekaitzaren ondorioz izandako tximista batek piztu zuen sutea, eta egunean bertan itzali bazuten ere, berriro piztu zen astelehenean, eta gaur gauza bera gertatu da.

16:45 aldera bertaratu dira suhiltzaileak sutea itzaltzen saiatzeko, eta lanean dihardute oraindik, nahiz eta kontrolpean eduki.