Gizartea -

Osasunbidea

Nafarroako emakumeek osasun sistema publikoan abortatu ahalko dute

Hala aurreratu dio ETBri Fernando Dominguez Nafarroako Gobernuko Osasun kontseilariak. Urte amaierarako neurria indarrean egotea nahi dute.

Fernando Dominguez Nafarroako gobernuko Osasun kontseilaria. ETB
Fernando Dominguez Nafarroako gobernuko Osasun kontseilaria. ETB
Nafar emakumeek ospitale publikoan abortatzeko aukera izango dute

1:57

ETB | EITB.EUS

Whatsapp Facebook Twitter Telegram Email

Nafarroako emakumeek Osasunbidea osasun sistema publikoan abortatu ahalko dute, Fernando Dominguez Nafarroako gobernuko Osasun kontseilariak ETBri aurreratu dionez.

Gobernu berriaren asmoa da neurria urte amaierarako indarrean egotea, orain arteko penalizazioarekin eta pribatizazioarekin bukatuta. Izan ere, une honetan zentro pribatuetan edo beste erkidego batzuetan abortatu behar dute emakume nafarrek.

Dominguezek azaldu duenez, sistema publikoan baliabide nahikoa dago horretarako, bai profesionalak eta baita teknikoak ere. Kontseilariak uste du kontzientzia-eragozpena ''aitzakia'' izan dela, eta, argitu du orain arte ginekologo bakar batek bakarrik jo duela bere burua kontzientzia-eragozle.

Fernando Dominguezen hitzetan, ''borondate'' kontu bat da, eta uste du Nafarroako sozialistek begi onez ikusiko dutela neurria. Horren harian, PSNren babesa izatea espero du.

Hau zure interesekoa bada, baliteke beste gai hauek ere izatea
Abortua Albisteak gaur Gaurko albisteak Nafarroan Gizartea Albisteak Gaur Gaurko azken orduko albistea Osasunbidea gaur