Gizartea -
Gertakaria
Marihuana-sail handi bat topatu dute Iurretako pabiloi batean
Pabiloian jarritako negutegian 2.100 marihuana landare baino gehiago eta 2.300 aldaxka inguru aurkitu dituzte. Ertzaintzak hiru pertsona atxilotu ditu.
agentziak | erredakzioa
Ertzaintzak marihuana-sail handi bat topatu du Iurretako industria-pabilioi batean eta hiru gizonezko atxilotu ditu, osasun publikoaren kontrako delitua egotzita.
Segurtasun Sailak ohar baten bidez jakinarazi duenez, pabilioian ezarritako negutegian 2.100 marihuana landare baino gehiago eta 2.300 aldaxka inguru aurkitu dituzte.
Pabiloia kalamu-landareak kantitate handitan ekoizteko prestatuta zegoen, argiztatzeko, aireztatzeko eta ureztatzeko sistemak eta tresna elektrikoak baitzituen.
Atxilotuak, 36 eta 54 urte artekoak, polizia-etxera eraman dituzte, eta datozen orduetan jarriko dituzte epailearen esku.