Alta jaso dute Basaurin, ikuskizun pirotekniko batean, zauritutakoek

Sei pertsona zauritu ziren larunbat gauean, Basauriko jaietan izandako ikuskizun pirotekniko batean, Basauriko Udaleko iturriek berri eman dutenez.

Ezbeharra 21:30ak aldera gertatu zen Basauriko Nagusi kalean. Akats baten ondorioz, material piroteknikoa zuen kaxa batek ustekabean eztanda egin zuenean jazo zen gertaera; horren ondorioz, sei pertsonak (horien artean haur batek) zauriak izan zituzten.

Zauritu gehienak tokian bertan edota anbulatorioan artatu zituzten. Dena den, bi zauritu Gurutzetako ospitalera eraman zituzten; bata, pronostiko erreserbatua zuen gizonezkoa; bigarrena, zauri arinak izan zituen 10 urteko haurra. Bi zaurituek sendagiria jaso dute dagoeneko.

Bestalde, Basauriko Udaltzaingoak ikerketa zabaldu gertatutakoa argitzeko; izan ere, hainbat lekukoren arabera, segurtasun neurriak eskasak ziren. Aitzitik, Basauriko Udaletik bertatik nabarmendu nahi izan dute segurtasun-neurriak "egokiak" izan zirela, eta jendea ikuskizunetik behar den besteko distantziara zegoela.