Gizartea -
GERTAKARIA
Pertsona bat zauritu da Iruñeko etxebizitza batean izandako sutean
Lehen ikerketen arabera, etxeko sukaldean piztu da sua. Udaltzaingoa sartu denean, lurrean topatu du bizilaguna, konortea galduta.
AGENTZIAK | ERREDAKZIOA
Pertsona bat zaurituta eraman dute Nafarroako Ospitalera, Iruñean izandako sute baten ondorioz. Iturrama auzoko etxebizitza batean piztu da sua, bart, eta bertako bizilaguna zauritu da.
Udaltzaingoak jakitera eman duenez, inguruko bizilagunek eman zuten sutearen berri, erre usaina zabaltzen ari zela sumatuta. Udaltzainak etxebizitzara sartu zirenean, pertsona bat lurrean topatu zuten, konorterik gabe. Antza, sute txiki bat piztu zen sukaldean, baina ez zen zabaldu.
Auzokideen "lankidetza" eskertu du Udaltzaingoak, agiri baten bidez, abisua eman ez balute, "ondorioak larriagoak" izango zirelako.