Gizartea -
Hondarribian
Jaizkibelen itsasora eroritako gaztea bilatzeko lanei berrekin diete
18 urteko mutil frantziarra harkaitz artera erori zen ostiralean, Higer lurmuturreko faroaren inguruan.
AGENTZIAK | ERREDAKZIOA
Ostiralean Jaizkibeleko kostaldean, Hondarribian, itsasora eroritako 18 urteko mutil frantziarra bilatzeko lanei berrekin diete astelehen honetan, Eusko Jaurlaritzako Segurtasun Sailak berri eman duenez.
Bilaketan lanetan Ertzaintzako, Itsas Salbamenduko eta Gurutze Gorriko kideak eta suhiltzaileak parte hartzen ari dira.
Gertakaria ostiralean 18:00ak inguruan jazo zen. Familiarekin Jaizkibel mendian paseo bat ematen ari zela, 18 urteko mutila harkaitz artera erori zen, Higer lurmuturreko faroaren inguruan.